Toshkent shahri Bektemir tumanida noqonuniy narkolaboratoriya tashkil etilgani aniqlandi. Bu haqda Ichki ishlar vazirligi xabar qildi.
Qayd etilishicha, 27-fevral kuni Toshkent shahar Ichki ishlar boshqarmasi Jinoyat qidiruv boshqarmasi, Davlat xavfsizlik xizmati va prokuratura organlari xodimlari tomonidan Bektemir tumanidagi xonadonlardan biri ko‘zdan kechirilgan.
Natijada xonadonda narkolaboratoriya borligi, giyohvand moddalar tuvakka ekilib, har xil qo‘shiladigan dorilar shlanglar orqali yuborib kelingani aniqlangan.
Laboratoriya o‘simliklarni parvarishlash va o‘stirish uchun barcha jihozlar bilan ta’minlangani, maxsus quvvatlagichlardan foydalanilgani ma’lum bo‘lgan. Shuningdek, xonada havo haroratini o‘lchovchi asbob, qayd daftarlari borligi ham aniqlangan.
Hozirda holat yuzasidan surishtiruv ishlari olib borilmoqda.
Mavzuga doir:
- Toshkent viloyatida xonadonidagi gultuvaklarda giyohvandlik vositasi yetishtirib kelgan fuqaro ushlandi
- Toshkent viloyatida 77 kg giyohvandlik vositasini kartoshka ko‘rinishida yashirgan narkokuryerlar ushlandi (video)
- Toshkentda narkolaboratoriya faoliyatiga chek qo‘yildi. Jinoiy guruh a’zolarining uch nafari — talabalar
Izoh (0)