Qashqadaryo viloyati Chiroqchi tumanida xolasiga tegishli pul va telefon apparatini o‘g‘rilab ketgan yigit qo‘lga olindi. Bu haqda Tergov departamenti xabar qildi.
Qayd etilishicha, Torjilg‘a qishlog‘ida yashovchi Y.D. ismli ayol (31 yoshli) tuman IIB boshlig‘ining nomiga ariza bilan murojaat qilgan. U o‘z arizasida 14-fevral kuni soat 23:00 larda jiyani E.O. (20 yoshli) uning yashash uyiga borib, yotoqxonasida ayollar sumkasidagi 2 million so‘m pul va 1 million so‘mlik Huawei telefon apparatini yashirin ravishda o‘g‘irlab ketganini ma’lum qilgan. Ayol jiyaniga nisbatan qonuniy chora ko‘rishni so‘ragan.
Olib borilgan tergov-tezkor ishlar natijasida E.O. ushlanib, undan xolasiga tegishli telefon hamda 550 ming so‘m pul va ashyoviy dalil tariqasida rasmiylashtirib olingan.
Holat yuzasidan Jinoyat kodeksining 169-moddasi 2-qismi “g” bandi (o‘g‘irlik) bilan jinoyat ishi qo‘zg‘atilgan. Hozirda tergov harakatlari davom etmoqda.
Mavzuga doir:
- Namanganda kelinoyisining 16 mln so‘mlik tilla taqinchoqlari, pasporti va pullarini o‘g‘irlagan erkak ushlandi
- Farg‘onada otasining uyidan 1,9 ming dollar va 3 mln so‘m o‘g‘irlagan o‘g‘ilga jinoyat ishi qo‘zg‘atildi
- Buxoroda 8-sinf o‘quvchisi qo‘shnisining qariyb 5 mln so‘mlik buyumlarini o‘g‘irladi
Izoh (0)