Navoiy shahrida bemorning kasallik varaqasini berish uchun uning onasini jinsiy aloqa qilishga majburlab kelgan shifokor qo‘lga olindi, deb xabar beradi viloyati IIB axborot xizmati.
Ma’lum bo‘lishicha, Navoiy viloyati bolalar ko‘p tarmoqli tibbiyot markazining Nevrologiya bo‘limi mudiri vazifasida ishlagan K.R. davolanish uchun yotgan ikkinchi guruh nogironi G.I.ning davolangani bo‘yicha bir yarim oy davomida kasallik varaqasini (ko‘chirma) bermasdan kelgan. U bemorning onasi T.L.ni qarshiligiga qaramasdan kasallik varaqasini berish uchun u bilan jinsiy aloqa qilishga majburlab kelgan.
2022-yilning 12-fevral Navoiy viloyati IIB JQB Korrupsiya va iqtisodiy jinoyatlarga qarshi kurashish bo‘limi xodimlari tomonidan Navoiy shahar “Guliston-2” MFY 2-uyning beshinchi qavatidagi raqamsiz xonadonga K.R. o‘zi bilan T.L.ni olib kirgan vaqtida ushlangan.
Holat yuzasidan Jinoyat kodeksining 121-moddasi (ayolni jinsiy aloqa qilishga majbur etish) bilan jinoyat ishi qo‘zg‘atilib, tergov harakatalari olib borilmoqda.
Izoh (0)