Tashqi ishlar vaziri Abdulaziz Kamilov 25-fevral kuni Birlashgan Millatlar Tashkilotining O‘zbekistondagi doimiy koordinatori etib tayinlangan Roli Astxanani qabul qildi. Bu haqda vazirlik axborot xizmati xabar qildi.
Qayd etilishicha, vazir Astxanani ushbu lavozimga tayinlangani bilan tabriklagan. U O‘zbekiston BMT va uning ixtisoslashgan idoralari bilan konstruktiv va ishonchli hamkorlik o‘rnatganini ta’kidlagan. Yangi doimiy koordinatorning kasbiy yutuqlari va ish tajribasi ushbu hamkorlikni chuqurlashtirishiga umid bildirgan.
Muhokamada O‘zbekistonda BMT idoralari ishtirokida umumiy qiymati 174 million dollardan ortiq 137 ta loyiha amalga oshirilayotgani qayd etilgan.
Mintaqaviy xavfsizlik, Afg‘onistonni barqarorlashtirish va tiklash, zamonaviy tahdid va xatarlarga qarshi kurashish, ommaviy qirg‘in qurollarini tarqatmaslik, ijtimoiy-iqtisodiy rivojlanishga ko‘maklashish, ekologik muammolarni hal etish, xususan, Orol dengizi inqirozi oqibatlarini yumshatish kabi sohalarda hamkorlikni chuqurlashtirish masalalari ko‘rib chiqilgan.
Mavzuga doir:
- Toshkentda Yevropa Ittifoqi va Markaziy Osiyo davlatlarining maxsus vakillari Afg‘onistondagi vaziyatni muhokama qildi
- Abdulaziz Komilov Saudiya Arabistoni tashqi ishlar vaziriga tabrik yo‘lladi
- Abdulaziz Komilov mamlakatda diplomatik missiyasini yakunlayotgan Falastin va Janubiy Koreya elchilarini qabul qildi
Izoh (0)