Қашқадарё вилояти Чироқчи туманида холасига тегишли пул ва телефон аппаратини ўғрилаб кетган йигит қўлга олинди. Бу ҳақда Тергов департаменти хабар қилди.
Қайд этилишича, Торжилға қишлоғида яшовчи Й.Д. исмли аёл (31 ёшли) туман ИИБ бошлиғининг номига ариза билан мурожаат қилган. У ўз аризасида 14 февраль куни соат 23:00 ларда жияни Э.О. (20 ёшли) унинг яшаш уйига бориб, ётоқхонасида аёллар сумкасидаги 2 миллион сўм пул ва 1 миллион сўмлик Huawei телефон аппаратини яширин равишда ўғирлаб кетганини маълум қилган. Аёл жиянига нисбатан қонуний чора кўришни сўраган.
Олиб борилган тергов-тезкор ишлар натижасида Э.О. ушланиб, ундан холасига тегишли телефон ҳамда 550 минг сўм пул ва ашёвий далил тариқасида расмийлаштириб олинган.
Ҳолат юзасидан Жиноят кодексининг 169-моддаси 2-қисми «г» банди (ўғирлик) билан жиноят иши қўзғатилган. Ҳозирда тергов ҳаракатлари давом этмоқда.
Изоҳ (0)