O‘zbekiston Malayziyaning Gemilang kompaniyasidan 190 ta avtobus komplektlarini sotib oladi

Malayziyaning avtobus va avtobus qismlarini ishlab chiqaruvchi kompaniyasi Gemilang International Ltd (GML) O‘zbekistonga 190 ta avtobusning kuzov komplektlarini yetkazib berish bo‘yicha yirik buyurtmani qo‘lga kiritdi. Bu haqda GML saytida xabar qilinmoqda.

“O‘zbekiston 2022-yilda AQSh, Avstraliya, Singapur, Malayziya va Gonkongdan tashqari bizning oltita asosiy bozorlarimizdan biri hisoblanadi”, — deyiladi xabarda.

Oxirgi shartnoma O‘zbekistonning takroriy buyurtmasi ekani va GML’ning mintaqada yanada yuksalishi uchun tramplin vazifasini bajarishi aytilmoqda.

Qayd etilishicha, 190 ta to‘liq yig‘iladigan avtobus to‘plamlarini yetkazib berish bo‘yicha shartnoma 2022-yil fevral oyida tuzilgan va 2022 yil-oktabr oyida yakunlanishi kutilmoqda.

GML uchun ushbu shartnoma 2022-yilda asosiy daromad manbasi bo‘lishi aytilmoqda.

Avvalroq Toshkentga Xitoyga 20 ta elektrobus olib kelingani haqida xabar berilgan edi.