Rossiya va Belarus Donbassdagi vaziyat keskinlashgani munosabati bilan Qurolli kuchlarining hujumlarga javob qaytarish mahoratini birgalikda tekshirish bo‘yicha mashg‘ulotlar muddatini uzaytiradi. Bu haqda Belarus Mudofaa vazirligiga tayanib, Meduza xabar berdi.
Vazirlik rahbari Viktor Xreninning so‘zlariga ko‘ra, tekshiruv davomida mashg‘ulotlarning oldingi bosqichida yoritilmagan mudofaa bosqichlari “puxta ishlab chiqiladi”.
“Mashg‘ulotlarning bosh maqsadi o‘zgarishsiz qoldi – bu umumiy chegaralarimiz yaqinida g‘arazli niyatdagi harbiy tayyorgarlikka adekvat javob berish va keskinlikni pasaytirish choralarini ko‘rishdan iborat”, — deydi Xrenin.
10-fevralda Belarus hududida boshlangan “Ittifoqchilik jasorati” qo‘shma mashg‘ulotlari 20-fevralda tugashi kerak edi.
Qo‘shma Shtatlar Rossiya bu mashqlardan Ukrainaga bostirib kirish uchun foydalanishi mumkinligini da’vo qilgandi. Moskva buni rad etib, harbiylar mashg‘ulotlardan so‘ng Rossiya Federatsiyasi hududiga olib ketilishini ta’kidlagan.
Mavzuga doir:
- Rossiya G‘arbiy harbiy okrug qo‘shinlari mashg‘ulotlardan qaytganini e’lon qildi. AQSh Rossiya kuchlarining chekinganiga ishonmayapti
- Lukashenko: Donbassda harbiy harakatlar boshlansa, Belarus armiyasi “Rossiya armiyasidek” harakat qiladi
- FT: Putin Makronga Belarusdagi mashg‘ulotlardan so‘ng Ukraina chegaralaridan 30 ming qo‘shinini olib ketishga va’da berdi
Izoh (0)