Somalining Xiran hududidagi Beledueyn shahrida terakt sodir etildi. Oqibatda kamida 10 kishi halok bo‘ldi, yana 15 nafar mahalliy aholi kasalxonaga yotqizildi, deb xabar beradi Anadolu.
Qayd etilishicha, shahar markazidagi kafelardan birida xudkush-terrorchi portlovchi qurilmani ishga tushirgan.
Hujum deputat sayloviga tayyorgarlik ko‘rilayotgan Beledueyn shahrida vahima qo‘zg‘atdi. Hozircha hech qaysi guruh hujum uchun javobgarlikni o‘z zimmasiga olmadi.
So‘nggi haftalarda Somalining ko‘plab shaharlarida “Ash-Shabob” terrorchi tashkiloti ketma-ket portlashlar uyushtirgan edi. Xususan, fevral boshida mamlakat janubida mikroavtobus minaga uchrab, portlatilgan. 10 kishi, jumladan besh ayol va to‘rt bola halok bo‘lgandi.
Undan avval Somali poytaxti Mogadisho shahrida sodir bo‘lgan portlashda besh kishi halok bo‘lgan, yana 23 kishi jarohatlangan edi. Terrorchilar BMT avtokarvonini nishonga olgan.
Izoh (0)