Checheniston rahbari Ramzan Qodirovning 19 yoshli qizi Xutmat Qodirova Respublika rahbari kotibiyatida boshliq o‘rinbosari etib tayinlandi, deb yozmoqda “Grozniy inform”.
Bu haqda, shuningdek, Checheniston milliy siyosat, tashqi aloqalar, matbuot va axborot bo‘yicha vaziri Ahmed Dudayev ham Instagram’da ma’lum qilgan.
“Checheniston Respublikasi birinchi prezidentining nabirasini (Xutmat Qodirova) Checheniston Respublikasi rahbari kotibiyati boshlig‘i o‘rinbosari etib tayinlangani bilan chin qalbimdan tabriklayman! Xutmat Ramzanovna Qodirovlar sharafini munosib himoya qilmoqda. U bir necha bor turli sohalarda yuksak muvaffaqiyatlarni namoyish etgan. U hafiz degan yuksak unvon sohibasi bo‘lib, o‘zini chinakam muslima va chechen xalqining asl qizi ekanini isbotlagan. Xutmat Ramzanovna o‘ziga ishonib topshirilgan lavozimni munosib bajarib, respublika farovonligi yo‘lida mehnat qilishiga shubham yo‘q”, — deb yozadi Dudayev Instagram ijtimoiy tarmog‘ida.
Checheniston rahbarining uchinchi qizi Xutmat Qodirova “Grozniy delfinariysi” sog‘lomlashtirish va ko‘ngilochar majmuasi bosh direktori lavozimida ishlaydi. Avvalroq Qodirov uni tug‘ilgan kuni bilan tabriklar ekan, u Qur’oni Karimni yoddan bilishini va Rossiyadagi eng yosh fermer ekanini aytgan edi.
Qodirovning ikki katta qizi ham Chechenistonda yuqori lavozimlarda ishlaydi – Ayshat 2021- yili madaniyat vaziri etib tayinlangan,
Xadijat esa Grozniy shahridagi maktabgacha ta’lim bo‘limiga bir yildan ortiq vaqt davomida rahbarlik qilib kelmoqda.
Mavzuga doir:
Izoh (0)