Buyuk Britaniya qirolichasi Yelizaveta II da koronavirus aniqlandi. Bu haqda Bukingem saroyiga tayanib, BBC xabar berdi.
95 yoshli qirolicha COVID-19 ning yengil simptomlarini boshdan kechirmoqda. Kelgusi haftadayoq u o‘z vazifalariga kirishishni rejalashtirmoqda.
17-fevral, payshanba kuni Britaniya qirolichasi oyoqlaridagi muammolardan shikoyat qilgandi. U Mudofaa vazirligi kotibiyatining yangi rahbari va undan oldingi rahbar bilan hassaga suyanib yig‘ilish o‘tkazgan. Ular bilan suhbat chog‘ida monarx “harakatlana olmayotganini” aytgan.
Yelizaveta II da koronavirus to‘ng‘ich o‘g‘li va taxt vorisi shahzoda Charlz bilan muloqotda bo‘lgandan so‘ng aniqlandi. Shahzoda Charlzga o‘n kun avval koronavirus tashxisi qo‘yilgandi.
BBC o‘z muxbiriga tayanib, qirolicha infeksiyaga qarshi “mutlaqo” to‘liq emlanganini xabar qildi. 2021-yil yanvar oyida qirolicha vaksinaning bitta dozasini olgani haqida e’lon qilingandi. Bir oy o‘tgach, u fuqarolarini ham vaksina olishga chaqirgandi.
Fevral boshida Daniya qirolichasi Margrete II va Ispaniya qiroli Filipp VI da ham koronavirus aniqlangani to‘g‘risida xabar berilgandi.
Izoh (0)