Futbol bo‘yicha Italiya A Seriyasining 26-turida “Milan” 19-fevral, shanba kuni “Salernitana” mehmoni bo‘ldi.
Uchrashuvda tezkor gol kuzatildi. 5-daqiqada Junior Messias milanliklarni hisobda oldinga olib chiqdi. 29-daqiqaga kelib, Federiko Bonassoli muvozanatni tikladi. Tanaffusga qadar shu hisob saqlanib turdi.
Ikkinchi 45 daqiqalikda ham jamoalar bittadan gol urdi. 72-daqiqada Milan Jurich o‘z nomiga gol yozdirib qo‘ygan bo‘lsa, oradan besh daqiqa o‘tib, Ante Rebich “Milan”ni mag‘lubiyatdan qutqarib qolgan golga mualliflik qildi.
Durangdan keyin “Milan” 55 ochko bilan musobaqa jadvalida peshqadamlik qilmoqda. “Salernitana” (13) esa so‘nggi o‘rinni egallab turibdi.
A Seriya
26-tur bahsi
19-fevral, shanba
“Salernitana” – “Milan” 2:2
Gollar: 0:1 – 5 Junior Messias, 1:1 – 29 Bonassoli, 2:1 – 72 Jurich, 2:2 – 77 Rebich.“Salernitana”: Sepe, Massokki, Fasio, Dregushin, Ranyeri, Riberi (Perotti, 69), Radovanovich (Ederson, 15), Kastanos (Obi, 69), Kulibali, Jurich (Mikael, 82), Bonassoli (Musse, 82).
“Milan”: Menyan, Kalabriya (Florensi, 73), Romanyoli, Tomori, Ernandes, Bennaser (Kessie, 46), Tonali, Jiru, Rafael Leau, Braim Dias (Rebich, 61), Junior Messias (Salemakers, 73).
Ogohlantirishlar: Bennaser (35), Ederson (52), Jiru (60), Rebich (70), Jurich (73), Romanyoli (83).
Izoh (0)