Futbol bo‘yicha Italiya A Seriyasining 26-turida “Roma” 19-fevral, shanba kuni “Verona” bilan bahs yuritdi.
Rimda o‘tgan o‘yinda jamoalar murosa yo‘lini tanladi. “Verona” bellashuvning dastlabki 20-daqiqasida ketma-ket 2 ta gol urib, hisobni ishonchli ko‘rinishga olib kelgandi. Ammo 65-daqiqada 18 yoshli Kristian Volpato oradagi farqni qisqartirdi. Uchrashuv yakunida esa 19 yoshli Edoardo Bove ajoyib goli bilan muvozanatni tiklashga muvaffaq bo‘ldi.
Shu tariqa “Roma” o‘z maydonida ochko yo‘qotdi. Joze Mourinyo shogirdlari o‘tgan turda “Sassuolo”ga qarshi bahs olib borib, unda ham 2:2 hisobidagi durangga imzo chekkandi.
Qayd etish kerak, mazkur uchrashuvda “Roma”ning Nikolo Zaniolo, Genrix Mxitaryan kabi bir qator asosiy tarkib futbolchilari maydonga tushmadi. Jamoaning o‘zbekistonlik hujumchisi Eldor Shomurodovda esa koronavirus aniqlangani aytilgandi, shu tufayli u qaydnomaga kiritilmadi.
Durang natijadan keyin rimliklarning ochkolari soni 41 taga yetdi, jamoa musobaqa jadvalida 7-o‘rinda bormoqda. 9-pog‘onadagi “Verona”ning hisobida 37 ochko mavjud.
A Seriya
26-tur bahslari
19-fevral, shanba
“Roma” – “Verona” 2:2
Gollar: 0:1 – 5 Barak, 0:2 – 20 Tamez, 1:2 – 65 Volpato, 2:2 – 84 Bove.“Roma”: Ruy Patrisiu, Smolling, Karsdorp, Kumbula, Vinya (Zalevski, 46), Meytlend-Naylz (Bove, 78), Serjiu Oliveyra (Veretu, 46), Kristante, Pellegrini, Abraham, Afena-Gyan (Volpato, 62).
“Verona”: Montipo, Faraoni, Chekkerini (Shutalo, 78), Gyunter, Kazale (Depaoli, 56), Lazovich, Tamez (Retsos, 79), Barak, Ilich, Kaprari (Bessa, 64), Simeone (Lazanya, 64).
Ogohlantirishlar: Kazale (16), Pellegrini (38), Serjiu Oliveyra (39), Karsdorp (69), Gyunter (89).
Izoh (0)