“Milan” Zlatan Ibrahimovich bilan shartnomani uzaytirishi mumkin.
“Rossonerilar” oktabr oyida 41 yoshga to‘ladigan shvedga yangi shartnoma taklif qilishga tayyor.
Hujumchi hozirda milanliklar safida yiliga 7 million yevro maosh oladi. Taklif qilinayotgan shartnomaga ko‘ra, uning maoshi yiliga 3 million yevro bo‘ladi. O‘tkazilgan o‘yin va gollar uchun beriladigan bonuslar bilan birgalikda maosh 5 million yevrogacha ko‘tarilishi mumkin.
Zlatan mart oyida bo‘lib o‘tadigan JCh—2022 o‘tish o‘yinlaridan so‘ng kelajagi borasida qaror qabul qiladi. U Shvetsiya bilan birgalikda mundialda ishtirok etish haqida o‘ylamoqda.
Ibrahimovich 2021/22-yilgi mavsum A Seriyada 15 ta o‘yinda maydonga tushib, 8 ta golga mualliflik qildi.
Izoh (0)