Futbol bo‘yicha Angliya Premyer Ligasining 26-turidan o‘rin olgan bir qator o‘yinlar 19-fevral, shanba kuni bo‘lib o‘tdi.
“Arsenal” o‘z uyida “Brentford” bilan bahs olib bordi. Uchrashuvning 48-daqiqasida Emil Smit Rou hisobni ochdi. 79-daqiqada esa Bukayo Saka hisobni 2:0 ko‘rinishiga olib keldi.
“Kanonirlar” ushbu g‘alabadan so‘ng ochkolari sonini 42 taga yetkazib oldi va 6-o‘rinda bormoqda, “Brentford” esa 24 ochko bilan 14-o‘rindan joy olgan.
“Liverpul” Sadio Mane, Muhammad Saloh va Luis Diasning gollari evaziga “Norvich” ustidan g‘alaba qozondi. Mehmonlar safida esa Milot Rashika o‘z hisobiga gol yozdirib qo‘ydi.
Yurgen Klopp shogirdlari ushbu g‘alabadan keyin 57 ochko bilan 2-o‘rinni band etib turibdi, “Norvich” 17 ochko bilan musobaqaning quyi pog‘onasidan joy olgan.
“Chelsi” “Kristal Pelas” mehmoni bo‘ldi. Uchrashuvning 89-daqiqasida Hakim Ziyosh londonliklarga g‘alaba keltiruvchi gol muallifiga aylandi.
Londonliklar g‘alabadan keyin ochkolari sonini 50 taga yetkazdi va 3-o‘rinni mustahkamladi, “Kristal Pelas” 26 ochko bilan 13-pog‘onadan joy olgan.
APL
26-tur bahslari
19-fevral, shanba
“Arsenal” – “Brentford” 2:1
Gollar: 1:0 – 48 Smit-Rou, 2:0 – 79 Saka, 2:1 – 90 Nergor.“Arsenal”: Remsdeyl, Soaresh, Gabriel, Uayt, Tirni, Jaka, Parti, Edegor, Smit-Rou (Pepe, 75), Lyakazett (Nketia, 84), Saka.
“Brentford”: Rayya, Yansson, Ayer, Pinnok, Genri, Kanos, Goddos, Yanelt, Baptist, Nergor, Yensen, Dasilva, Vissa, Mbemo.
Ogohlantirishlar: Yansson (81), Gabriel (86).
“Liverpul” – “Norvich” 3:1
Gollar: 0:1 – 48 Rashisa, 1:1 – 64 Mane, 2:1 – 67 Saloh, 3:1 – 81 Dias.“Liverpul”: Alisson, Gomes, Matip, van Deyk, Simikas, Henderson, Oksleyd-Chemberlen (Tiago Alkantara, 62), Keyta (Origi, 62), Saloh, Mane, Dias (Minamino, 90).
“Norvich”: Gann, Aarons, Henli, Gibson, Uilyams, Le-Melu, Plaxeta, Rou, Maklin, Normann, Gilmor, Rashisa, Pukki, Sarjent.
Ogohlantirish: Uilyams (40).
“Kristal Pelas” – “Chelsi” 0:1
Gol: 0:1 – 89 Ziyosh.“Kristal Pelas”: Guaita (Batlend, 46), Klayn, Andersen, Gexi, Mitchell, Kuyate, Makartur (Mateta, 90), Shlupp, Olise, Ayyu (Eze, 85), Zaa.
“Chelsi”: Mendi, Kristensen, Tiago Silva, Ryudiger, Sarr, Alonso, Kovachich, Loftus-Chik, Jorjinyo, Kante, Pulishich, Ziyosh, Haverts, Lukaku.
Ogohlantirishlar: Sarr (62), Olise (68), Haverts (90), Pulishich (90).
Izoh (0)