Futbol bo‘yicha Angliya Premyer Ligasining 26-turidan “Manchester Siti” 19-fevral, shanba kuni “Tottenhem” bilan bahs olib bordi.
Uchrashuvning 4-daqiqasida Deyan Kulusevski hisobni ochdi. 33-daqiqada “shaharliklar” yarim himoyachisi Ilkay Gundo‘g‘an muvozanatni tikladi. 59-daqiqada Harri Keyn “shporlar”ni hisobda oldinga olib chiqdi. 90+2-daqiqada Riyad Mahrez penaltidan unumli foydalandi. 90+5-daqiqada esa Harri Keyn “Tottenhem” uchun g‘alaba golini urdi.
Shu tariqa Manchester klubining APL doirasidagi 15 o‘yindan iborat mag‘lubiyatsiz seriyasi yakunlandi.
“Manchester Siti” mag‘lubiyatdan so‘ng 63 ochko bilan birinchi o‘rinda qoldi, Antonio Konte shogirdlari esa ochkolarini 39 taga yetkazib, yettinchi o‘ringa ko‘tarilib oldi.
APL
26-tur bahsi
19-fevral, shanba
“Manchester Siti” – “Tottenhem” 2:3
Gollar: 0:1 – 4 Kulusevski, 1:1 – 33 Gundo‘g‘an, 1:2 – 59 Keyn, 2:2 – 90+2 Mahrez (penalti), 2:3 – 90+5 Keyn.“Manchester Siti”: Ederson, Uoker, Lyaport, Ruben Diash, Joau Kanselu, Gundo‘g‘an, de Bryuyne, Rodri, Bernardu Silva, Foden, Sterling (Mahrez, 68).
“Tottenxem”: Lyoris, Emerson (Doerti, 83), Dayer, Devis, Romero, Sessenyon (Sanches, 90), Son Hyon Min (Lukas Moura, 80), Hyoyberg, Bentankur, Kulusevski, Keyn.
Ogohlantirishlar: Hyoyberg (64), Romero (76), Lyoris (80).
Izoh (0)