“Borussiya D” hujumchisi Erling Holand “Real”ga o‘tishi mumkin.
Diario Sport’ning xabariga ko‘ra, Madrid klubi vakillari Monakoda Mino Rayolaning o‘ng qo‘li Rafael Pimenta va futbolchining otasi bilan muzokara olib borgan. Unda tomonlar dastlabki kelishuvga erishgan.
Bu kelishuvdan keyin Holandning vakillari boshqa klublar bilan muzokara olib borolmaydi. Biroq oxirgi so‘z Holandning o‘zida qoladi. Ya’ni futbolchi shu yozda “Borussiya D”ni tark etishni istasa, “Real” uni sotib olishga majbur bo‘ladi.
22 yoshli hujumchining dortmundliklar bilan shartnomasi 2024-yil iyun oyiga qadar mo‘ljallangan. Joriy mavsum Holand barcha musobaqalarda 20 ta o‘yinda maydonga tushib, 23 ta golga mualliflik qildi.
Avvalroq “Real”ning yozdagi asosiy maqsadi Kilian Mbappe bilan shartnoma imzolash ekani va bu masala amalga oshmagunga qadar klub boshqa transfer haqida o‘ylamasligi aytilgandi.
Izoh (0)