Himoyachi Rustam Ashurmatov O‘zbekistonga qaytdi.
26 yoshli himoyachini “Navbahor” o‘z safiga qo‘shib oldi. Biroq Namangan klubi Ashurmatov bilan necha yillik shartnoma imzolangani haqida ma’lumot bermagan.
Futbolchilik faoliyatini “Qo‘qon-1912”da (2015-yil) boshlagan futbolchi “Bunyodkor” (2016—2018), Janubiy Koreyaning “Kvanju” (2019—2020), va “Kanvon” (2021-yil) klublarida o‘ynagan.
Shuningdek, u O‘zbekiston U-17, U-19 va U-23 terma jamoalari safida harakat qilgan. 2018-yili O‘zbekiston U-23 yoshlar termasi safida Osiyo chempionligini qo‘lga kiritgan. 2017-yil 23-yanvar kuni esa O‘zbekiston milliy terma jamoasidagi debyutini nishonlagan.
Izoh (0)