«Боруссия Д» ҳужумчиси Эрлинг Ҳоланд «Реал»га ўтиши мумкин.
Diario Sport’нинг хабарига кўра, Мадрид клуби вакиллари Монакода Мино Райоланинг ўнг қўли Рафаэл Пимента ва футболчининг отаси билан музокара олиб борган. Унда томонлар дастлабки келишувга эришган.
Бу келишувдан кейин Ҳоланднинг вакиллари бошқа клублар билан музокара олиб боролмайди. Бироқ охирги сўз Ҳоланднинг ўзида қолади. Яъни футболчи шу ёзда «Боруссия Д»ни тарк этишни истаса, «Реал» уни сотиб олишга мажбур бўлади.
22 ёшли ҳужумчининг дортмундликлар билан шартномаси 2024 йил июнь ойига қадар мўлжалланган. Жорий мавсум Ҳоланд барча мусобақаларда 20 та ўйинда майдонга тушиб, 23 та голга муаллифлик қилди.
Аввалроқ «Реал»нинг ёздаги асосий мақсади Килиан Мбаппе билан шартнома имзолаш экани ва бу масала амалга ошмагунга қадар клуб бошқа трансфер ҳақида ўйламаслиги айтилганди.
Изоҳ (0)