“PSJ” hujumchisi Kilian Mbappe Chempionlar Ligasida haftaning eng yaxshi futbolchisi deb topildi.
23 yoshli futbolchi 1/8 finaldan o‘rin olgan “Real”ga (1:0) qarshi o‘yinning 94-daqiqasida gol urib, jamoasiga g‘alaba keltirdi.
Shuningdek, ushbu nom uchun quyidagi futbolchilar ham kurash olib borgandi:
- Bernardu Silva (“Manchester Siti”) — “Sporting”ga qarshi bahsda (5:0) dubl va assist;
- Muhammad Kamara (“Zalsburg”) — “Bavariya”ga qarshi bellashuvda (1:1) 74% uzatmalar aniqligi;
- Virjil van Deyk (“Liverpul”) — “Inter”ga qarshi uchrashuvda (2:0) 90% uzatmalar aniqligi va 9 ta yakkakurashda yutib chiqish.
Ma’lumot uchun, Mbappe 2021/22-yilgi mavsumda barcha musobaqalarda 32 o‘yin o‘tkazib, 22 ta gol va 16 ta golli uzatmaga mualliflik qildi.
Izoh (0)