Toshkent viloyati Nurafshon shahridagi “Ta’lim klasterini tashkil etish loyihasi” kimoshdi savdosiga qo‘yildi. Lot ma’lumotlari “E-auksion.uz” portalida e’lon qilingan.
Umumiy maydoni 10,33 gektar bo‘lgan loyihaning auksion g‘olibiga bir nechta majburiyatlar yuklatiladi. Ta’lim klasteri 24 oyda qurib bitirilishi lozim.
Auksionga qo‘yilgan yerning boshlang‘ich bahosi — 5,16 mlrd so‘m. Arizalar 14-mart 09:00 ga qadar qabul qilinadi. Savdolar xuddi shu kuni 10:00 da boshlanadi.
Buyurtmachi sifatida Toshkent viloyati hokimligi huzuridagi Toshkent viloyatida biznes markazlarini qurish direksiyasi ko‘rsatilgan.
Avvalroq Toshkent shahrida 51 xonali hovli auksionga qo‘yilgani haqida xabar berilgan edi.
Izoh (0)