Тошкент вилояти Нурафшон шаҳридаги «Таълим кластерини ташкил этиш лойиҳаси» кимошди савдосига қўйилди. Лот маълумотлари «E-auksion.uz» порталида эълон қилинган.
Умумий майдони 10,33 гектар бўлган лойиҳанинг аукцион ғолибига бир нечта мажбуриятлар юклатилади. Таълим кластери 24 ойда қуриб битирилиши лозим.
Аукционга қўйилган ернинг бошланғич баҳоси — 5,16 млрд сўм. Аризалар 14 март 09:00 га қадар қабул қилинади. Савдолар худди шу куни 10:00 да бошланади.
Буюртмачи сифатида Тошкент вилояти ҳокимлиги ҳузуридаги Тошкент вилоятида бизнес марказларини қуриш дирекцияси кўрсатилган.
Аввалроқ Тошкент шаҳрида 51 хонали ҳовли аукционга қўйилгани ҳақида хабар берилган эди.
Изоҳ (0)