23-fevraldan S7 Airlines aviakompaniyasi Yekaterinburgning Koltsovo aeroportidan Farg‘onaga muntazam reyslarni amalga oshirishni boshlaydi. Bu haqda aeroport matbuot xizmatiga tayanib “Kommersant” xabar bermoqda.
Parvozlar haftada bir marta 164 nafar yo‘lovchini sig‘dira oladigan Airbus A320neo samolyotida amalga oshiriladi. Koltsovodan jo‘nash chorshanba kunlari Toshkent vaqti bilan soat 19:25 da, yetib kelish esa soat 22:25 da. Parvoz uch soat davom etadi.
Ayni paytda Yekaterinburgdan Farg‘onaga reyslar Ural aviakompaniyasi tomonidan amalga oshirilmoqda. 2021-yil oxirida Koltsovo aeroprotidan O‘zbekistonga bo‘ladigan parvozlar davomida qariyb 90 ming kishiga xizmat ko‘rsatildi.
Endilikda Koltsovodan Toshkent, Samarqand, Buxoro, Namangan, Navoiy, Urganch va Farg‘onaga uchish mumkin.
Avvalroq Farg‘ona va Volgograd o‘rtasida muntazam aviqatnovlar yo‘lga qo‘yilgani haqida xabar berilgan edi.
Izoh (0)