“O‘zbekiston respublika tovar-xom ashyo birjasi” 7—13-fevral kunlariga mo‘ljallangan haftalik dayjestini e’lon qildi.
Qayd etilishicha, shu haftada birjaning barcha savdo platformalarida 2 trillion 303 milliard 4 million so‘mlik tovar sotilgan. Bu avvalgi haftaga nisbatan 16,4 foizga ko‘p hisoblanadi. Bunda sotuvlarning:
- 88,6 foizi birja savdolari;
- 0,1 foizi ko‘rgazma-yarmarka savdolari;
- 10,9 foizi elektron davlat xaridlari;
- 0,3 foizi avtoraqamlarning onlayn-auksioniga to‘g‘ri kelgan.
Ko‘rib chiqilayotgan davr mobaynida onlayn auksion orqali 3 ming 530 ta avtoraqamlar sotilgan. Sotilgan davlat raqam belgilarining umumiy summasi 7 milliard so‘mni tashkil qilgan. Raqobatli savdolar natijasida bitimlarning:
- 5,6 foizi birinchi toifadagi avtoraqamlarga;
- 9,6 foizi ikkinchi;
- 8,7 foizi uchinchi;
- 11,9 foizi to‘rtinchi;
- 23,2 foizi beshinchi;
- 41 foizi oltinchi toifa avtoraqamlarga tegishli hisoblanadi.
Mavzuga doir:
Ko‘rib chiqilayotgan davrda ochiq birja savdolari orqali jami 2 trillion 41 milliard 6 million so‘mlik tovar resurslari sotilgan. Sotuvchi korxonalar mahsulotlarni tasdiqlangan jadvallarga rioya qilgan holda birja savdolariga qo‘ygan.
Shakar
Birjaning shakar bozorida narxlar pasayishi qayd etilgan. Hafta davomida birja savdolariga 16 ming 391 tonna shakar qo‘yilgan va ulardan 11 ming 231 tonnasi, ya’ni 68,5 foiz qismi sotilgan. O‘tkazilgan savdolarda har kuni o‘rtacha 66 xaridor ishtirok etgan.
Ko‘rib chiqilayotgan davrda shakarning barcha kategoriyasi bo‘yicha shakllangan kunlik o‘rtacha narxlar mahsulotning bir tonnasi uchun 8 million 170,2 ming so‘mdan 8 million 118,4 ming so‘mgacha, ya’ni 0,6 foizga pasaygan.
O‘tkazilgan birja savdolari natijasida mahalliy shakarning TS-2 – kategoriyasi bo‘yicha shakllangan o‘rtacha haftalik narxi mahsulotni bir tonnasi uchun 8 million 196,6 ming so‘mni tashkil etgan.
Ko‘mir
O‘tgan haftada birja savdolarida 15 ming 658 tonna ko‘mir qo‘yilgan. Ulardan 10 ming 259 tonnasi, ya’ni 65,5 foiz qismi sotilgan. Ko‘mirning o‘rtacha kunlik sotuv hajmlari 2 ming 52 tonnani tashkil qilgan.
Ko‘rib chiqilayotgan davrda ko‘mir bo‘yicha shakllangan kunlik o‘rtacha narxlar mahsulotning bir tonnasi uchun 228,1 ming so‘mdan 224,7 ming so‘mgacha pasaygan.
Paxta linti
O‘tgan haftada birja savdolarida 2 ming 48 tonna paxta linti sotilgan. O‘rtacha kunlik sotuv hajmlari 410 tonnani tashkil qilgan.
Ko‘rib chiqilayotgan davrda paxta lintining kunlik o‘rtacha narxlari mahsulotning bir tonnasi uchun 4 million 516,9 ming so‘mdan 3 million 500,7 ming so‘mgacha, ya’ni 22,5 foizga pasaygan.
Izoh (0)