Namangan viloyati hokimligi majlislar zalida yig‘ilish bo‘lib o‘tdi. Unda tashkiliy masala ko‘rib chiqildi, deya xabar berdi “Daryo” muxbiri.
Qayd etilishicha, yig‘ilishda prezident tanqidiga uchrab, ishdan olingan viloyat IIB boshlig‘i o‘rniga yangi rahbar tayinlangan.
Tadbirda so‘z olgan ichki ishlar vaziri, general-leytenant Po‘lat Bobojonov viloyat IIBga ayni kungacha Samarqand viloyati Ichki ishlar boshqarmasiga rahbarlik qilib kelgan Shavkat Rahmonov tayinlanganini, Odil Otaxo‘jayev esa viloyat IIB boshlig‘i lavozimidan ozod etilganini ma’lum qilgan.
Tadbirda, shuningdek, viloyat hokimi Shavkat Abdurazzoqov ham ishtirok etib, endilikda viloyatda sodir bo‘layotgan yo‘l transporti hodisalarining oldini olish uchun barcha imkoniyatlar ishga solinishini bildirgan.
Izoh (0)