Rossiyada o‘tgan bir kecha-kunduzda yana 203 949 kishida koronavirus qayd etildi, deya xabar beradi COVID-19 ga qarshi kurash bo‘yicha federal tezkor shtab. Bu butun pandemiya davridagi maksimal ko‘rsatkich.
Mamlakatda so‘nggi sutkada 722 kishi virus asoratlaridan vafot etdi, 19 891 kishi kasalxonaga yotqizildi.
COVID-19 ga chalinish holatlarining aksariyati Sankt-Peterburgda qayd etilgan — 22 ming kishi, Moskva kasallanish darajasi bo‘yicha ikkinchi o‘rinda — 18,5 ming kishi. Bu borada, shuningdek, quyidagi hududlarda ham o‘sish kuzatildi:
- Moskva viloyati — 8,9 ming kishi;
- Krasnoyarsk o‘lkasi — 7,3 ming;
- Sverdlovsk viloyati — 5,7 ming;
- Voronej viloyati — 5,3 ming kishi
Mamlakatda omikron shtammining tarqalishi tufayli COVID-19 ga chalinayotganlar ulushi ham oshdi. Ilgari koronavirusdan tuzalganlarning 0,7 foizidan ko‘pi virusni qayta yuqtirgan bo‘lsa, hozir ularning ulushi 15 foizga yetgan.
Federal shtab ma’lumotlariga ko‘ra, Rossiyada jami 13 731 794 kishida koronavirus aniqlangan. COVID-19 tashxisi bilan 338 813 kishi vafot etgan.
Izoh (0)