Turkiya prezidenti Rajab Toyyib Erdo‘g‘on COVID-19 dan davolanish kursini muvaffaqiyatli yakunladi, deb yozmoqda Anadolu agentligi.
Nashr xabariga ko‘ra, Erdo‘g‘onning so‘nggi ikki kun davomida topshirgan PZR-testlari natijasi manfiy chiqqan. Turkiya prezidenti 11-fevral, juma kunidan odatiy ishga qaytadi.
Erdo‘g‘onning koronavirusga chalingani haqida 5-fevral kuni, u Kiyevdan qaytgandan so‘ng ma’lum bo‘lgandi. Turkiya rahbarining so‘zlariga ko‘ra, u va rafiqasiga omikron tashxisi qo‘yilgan, kasallik yengil kechgan.
6-fevral kuni Shavkat Mirziyoyev Erdo‘g‘onga maktub yo‘llab, unga shifo tiladi.
9-fevral kuni Daniya qirolichasi Margrete II hamda Ispaniya qiroli Filipp VI da, 10-fevral kuni Buyuk Britaniya qirolichasining to‘ng‘ich o‘g‘li Charlzda koronavirus aniqlangani haqida xabarlar berilgandi.
Izoh (0)