Россияда ўтган бир кеча-кундузда яна 203 949 кишида коронавирус қайд этилди, дея хабар беради COVID-19 га қарши кураш бўйича федерал тезкор штаб. Бу бутун пандемия давридаги максимал кўрсаткич.
Мамлакатда сўнгги суткада 722 киши вирус асоратларидан вафот этди, 19 891 киши касалхонага ётқизилди.
COVID-19 га чалиниш ҳолатларининг аксарияти Санкт-Петербургда қайд этилган — 22 минг киши, Москва касалланиш даражаси бўйича иккинчи ўринда — 18,5 минг киши. Бу борада, шунингдек, қуйидаги ҳудудларда ҳам ўсиш кузатилди:
- Москва вилояти — 8,9 минг киши;
- Красноярск ўлкаси — 7,3 минг;
- Свердловск вилояти — 5,7 минг;
- Воронеж вилояти — 5,3 минг киши
Мамлакатда омикрон штаммининг тарқалиши туфайли COVID-19 га чалинаётганлар улуши ҳам ошди. Илгари коронавирусдан тузалганларнинг 0,7 фоизидан кўпи вирусни қайта юқтирган бўлса, ҳозир уларнинг улуши 15 фоизга етган.
Федерал штаб маълумотларига кўра, Россияда жами 13 731 794 кишида коронавирус аниқланган. COVID-19 ташхиси билан 338 813 киши вафот этган.
Изоҳ (0)