Fransiyalik virusolog, tibbiyot bo‘yicha Nobel mukofoti sovrindori Lyuk Montanye 89 yoshida vafot etdi. Bu haqda Le Monde gazetasi xabar berdi.
Olim 1983-yilda OIV retrovirusini kashf qilganidan keyin dunyo miqyosida shuhrat qozongandi.
Le Monde nashrining yozishicha, Montanye 8-fevral kuni Parij yaqinidagi Neyi-syur-Sen kommunasidagi kasalxonada vafot etgan. Biroq kommuna meriyasi ushbu ma’lumotni bir kun o‘tib rasman tasdiqlagan.
Montanye turli vaqtlarda Glazgodagi Virusologiya institutida, Orsaydagi radiy institutida hamda Paster institutida ishlagan. 2008-yilda u va hamkasbi Fransuaza Barre-Sinussi OIVni kashf etgani uchun fiziologiya va tibbiyot bo‘yicha Nobel mukofotiga sazovor bo‘lgan. Biroq Montanyening keyingi ishlari va bayonotlari ilmiy hamjamiyatning qarama-qarshi reaksiyalariga sabab bo‘ldi, xususan, u antivaksinachi bo‘lgani uchun tanqid qilindi.
Avval Pokiston yadro dasturining rahbari Abduqodir Xon, Nobel mukofoti sovrindori, “yevroning otasi” Robert Mandell vafot etgani haqida xabarlar berilgandi.
Izoh (0)