AOKAda 9-fevral kuni o‘tkazilgan brifingda Investitsiyalar va tashqi savdo vazirligi axborot xizmati rahbari Gulshan Botirova 2021-yilda O‘zbekistonning oziq-ovqat importida amalga oshirgan ishlari to‘g‘risida ma’lumot berdi.
Qayd etilishicha, 2021-yilda oziq-ovqat mahsulotlar importi 2,2 milliard dollarni tashkil etgan. Bu 2020-yilga nisbatan 25 foiz yoki 441 million dollarga oshgan. Shu yili mazkur ko‘rsatkich 1,7 milliard dollarni tashkil qilgan.
Mahsulotlar asosan Qozog‘iston (881 million dollar), Rossiya (747 million dollar), Belorussiya (105 million dollar), Ukraina (59 million dollar), Turkiya (45 million dollar) davlatlaridan import qilingan. Tovarlarning asosiy qismini quyidagilar tashkil etgan:
- bug‘doy – 616 million dollar (2020-yilga nisbatan +10 foiz);
- o‘simlik va hayvonlardan olingan yog‘lar (misol uchun, kungaboqar yog‘i, palma yog‘i, margarin) – 499 million dollar (+53 foiz);
- go‘sht mahsulotlari (tovuq go‘shti) – 188 million dollar (+84 foiz);
- un va un mahsulotlari – 158 million dollar (+19 foiz);
- shakar va konditer mahsulotlari – 146 million dollar (-41 foiz);
- meva-sabzavotlar (kartoshka) – 142 million dollar (+73 foiz);
- sut mahsulotlari, tuxum va asal – 68 million dollar (+41 foiz);
- alkogolsiz ichimliklar – 48 million dollar (+182 foiz);
- konservalangan meva-sabzavotlar – 43 million dollar (+59 foiz);
- yormalar (grechka, suli yormasi, manna yormasi) – 14 million dollar (+27 foiz).
Izoh (0)