АОКАда 9 февраль куни ўтказилган брифингда Инвестициялар ва ташқи савдо вазирлиги ахборот хизмати раҳбари Гулшан Ботирова 2021 йилда Ўзбекистоннинг озиқ-овқат импортида амалга оширган ишлари тўғрисида маълумот берди.
Қайд этилишича, 2021 йилда озиқ-овқат маҳсулотлар импорти 2,2 миллиард долларни ташкил этган. Бу 2020 йилга нисбатан 25 фоиз ёки 441 миллион долларга ошган. Шу йили мазкур кўрсаткич 1,7 миллиард долларни ташкил қилган.
Маҳсулотлар асосан Қозоғистон (881 миллион доллар), Россия (747 миллион доллар), Белоруссия (105 миллион доллар), Украина (59 миллион доллар), Туркия (45 миллион доллар) давлатларидан импорт қилинган. Товарларнинг асосий қисмини қуйидагилар ташкил этган:
- буғдой – 616 миллион доллар (2020 йилга нисбатан +10 фоиз);
- ўсимлик ва ҳайвонлардан олинган ёғлар (мисол учун, кунгабоқар ёғи, палма ёғи, маргарин) – 499 миллион доллар (+53 фоиз);
- гўшт маҳсулотлари (товуқ гўшти) – 188 миллион доллар (+84 фоиз);
- ун ва ун маҳсулотлари – 158 миллион доллар (+19 фоиз);
- шакар ва кондитер маҳсулотлари – 146 миллион доллар (-41 фоиз);
- мева-сабзавотлар (картошка) – 142 миллион доллар (+73 фоиз);
- сут маҳсулотлари, тухум ва асал – 68 миллион доллар (+41 фоиз);
- алкоголсиз ичимликлар – 48 миллион доллар (+182 фоиз);
- консерваланган мева-сабзавотлар – 43 миллион доллар (+59 фоиз);
- ёрмалар (гречка, сули ёрмаси, манна ёрмаси) – 14 миллион доллар (+27 фоиз).
Изоҳ (0)