O‘zbekiston parlamenti Qonunchilik palatasi spikeri Nurdinjon Ismoilov 9-fevral kuni Qozog‘iston prezidenti Qosim-Jo‘mart To‘qayev bilan uchrashdi. Bu haqda prezident matbuot xizmati xabar berdi.
Qayd etilishicha, Qozog‘iston prezidenti mamlakatlar mustahkam do‘stlik va yaxshi qo‘shnichilik rishtalariga, umumiy madaniy qadriyatlarga tayangan holda mustahkam va totuv munosabatlar o‘rnatganini, bu davlatlararo sheriklik namunasi ekanini ta’kidladi.
“O‘zbekiston Qozog‘iston uchun qardosh davlat va ishonchli hamkordir, shuning uchun biz munosabatlarimizni rivojlantirishga alohida e’tibor qaratamiz. Bizning ittifoqchilik munosabatlarimiz siyosiy, savdo-iqtisodiy, gumanitar va madaniy sohalar kabi keng qamrovga ega. Bu borada parlament diplomatiyasi alohida o‘rin tutadi”, — Qosim-Jo‘mart To‘qayev.
Prezident Shavkat Mirziyoyevning Qozog‘iston—O‘zbekiston hamkorligini ittifoqchilik darajasiga olib chiqish imkonini bergan 2021-yilning dekabrida Qozog‘istonga davlat tashrifi yakunlarini yuqori baholagan.
Nurdinjon Ismoilov esa uchrashish imkoniyati uchun Qosim-Jo‘mart To‘qayevga minnatdorlik bildirib, O‘zbekiston prezidenti Shavkat Mirziyoyevning samimiy tilaklari va iliq salomlarini yetkazgan.
Izoh (0)