Tashqi ishlar vaziri Abdulaziz Komilov 9-fevral kuni Falastin elchisi Muhammad Abdulla Tarshaxani va Koreya Respublikasi elchisi Kan Chje Kvonni mamlakatdagi diplomatik missiyasi yakunlanayotgani munosabati bilan qabul qildi.
Qayd etilishicha, Falastin elchisi bilan uchrashuvda elchining faoliyati davomida O‘zbekiston—Falastin munosabatlari izchil rivojlanib, mustahkamlanib borayotgani ta’kidlangan. Tomonlarning o‘zaro manfaatli sohalarda hamkorlikni davom ettirishga tayyorligi tasdiqlangan.
Eslatib o‘tamiz, Muhammad Abdulla Tarshaxan 2013-yilda Falastinning O‘zbekistondagi elchisi lavozimiga tayinlangan.
Shuningdek, O‘zbekiston TIV rahbari Janubiy Koreya elchisining ikki tomonlama do‘stlik va alohida strategik sheriklik munosabatlarini mustahkamlashga qo‘shgan shaxsiy hissasini e’tirof etgan. Suhbat chog‘ida avval erishilgan kelishuvlarni amalga oshirish, bo‘lajak tadbirlar jadvali va tomonlarni qiziqtirgan sohalarda o‘zaro hamkorlikni faollashtirish rejalari muhokama qilingan.
Elchilar O‘zbekistonda o‘z faoliyatini amalga oshirish uchun yaratilgan qulay sharoitlar va ko‘rsatilgan ko‘mak uchun O‘zbekiston tomoniga minnatdorlik bildirgan.
Mavzuga doir:
- “Afg‘oniston xalqi uchun munosib yashash shart-sharoitlari yaratilishini talab qilishimiz zarur” — Abdulaziz Komilov
- Abdulaziz Komilov AQSh davlat kotibining yordamchisi bilan kelgusidagi tadbirlar jadvalini muhokama qildi
- Qirg‘iziston prezidenti mamlakatning O‘zbekistondagi elchisini lavozimidan ozod etdi
Izoh (0)