Namangan xalqaro aeroportidan Rossiyaning Dog‘iston respublikasi poytaxti Maxachqal’aga ilk parvoz amalga oshirildi. Bu haqda “Daryo” muxbiri Azizbek Abduvaliyev xabar bermoqda.
Charter reysi Rossiyaning Red Wings aviakompanyasi tomonidan bajarildi.
Mazkur aviakompaniyaga qarashli Sukhoi Superjet 100 rusumli havo kemasi 8-fevral kuni Maxachqal’adan Namanganga 38 nafar yo‘lovchini olib keldi va shu kunning o‘zida 93 nafar yo‘lovchini Namangandan Dog‘iston poytaxtiga eltib qo‘ydi.
Namangan xalqaro aeroporti mutasaddilarining “Daryo”ga ma’lum qilishicha, talab yuqori bo‘lgan taqdirda mazkur yo‘nalishdagi aviareyslar kelgusi hafta va undan keyin ham takrorlanishi mumkin.
Eslatib o‘tamiz, oldinroq “Sharqiy xab” loyihasi doirasida Namangandan Rossiyaning Moskva, Perm, Samara, Omsk, Orenburg, Irkutsk, Krasnodar, Yekaterinburg va Ufa kabi 9 ta shahriga qulay va arzon reyslar yo‘lga qo‘yilgani haqida xabar berilgandi.
Izoh (0)