Samarqand shahrida 8-fevral kuni avtoturargohdagi “VAZ-2016” avtomashinasida yong‘in sodir bo‘ldi. Bu haqda Samarqand viloyati Favqulodda vaziyatlar boshqarmasi xabar qildi.
Qayd etilishicha, shu kuni soat 11:38 da Ko‘ksaroy maydoni avtoturargohida to‘xtab turgan “Jiguli”da yong‘in sodir bo‘layotgani to‘g‘risida viloyat FVBga xabar kelib tushgan.
Shunga ko‘ra, 1 ta yong‘in-qutqaruv ekipaji voqea joyiga soat 11:40 da yetib borib, yong‘in soat 11:43 da o‘chirilgan.
Yong‘in oqibatida avtomashinaning oldi motor va salon qismi qisman yonib zararlangan. Hodisadan halok bo‘lgan va jabrlanganlar yo‘q.
Hozirda yong‘in sababi va yetkazilgan moddiy zarar miqdori aniqlanmoqda.
Izoh (0)