“Toshkentshahargaz” ta’minoti sobiq xodimi B.N. Bosh prokuratura huzuridagi departamentning Yunusobod tuman bo‘limi tomonidan o‘tkazilgan tezkor tadbirda ushlandi, deb xabar bermoqda departament matbuot xizmati.
Ma’lum qilinishicha, u firibgarlik yo‘li bilan daromad orttirish maqsadida tashkilotning xizmat guvohnomasiga soxta ma’lumot kiritib, fuqaro A.ga oilaviy tadbirkorlik faoliyatini yo‘lga qo‘yishda tabiiy gaz tarmog‘iga ulanish uchun loyiha hujjatlarini tayyorlab berishni va’da qilgan. Evaziga 16,5 million so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) 28, 211-moddasi (pora berish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkentda gaz ta’minoti bo‘limi mas’ul rahbari pora bilan qo‘lga tushgandi. U 2,5 million so‘m evaziga fuqaro xonadonidagi gaz sarfi qarzdorligi uchun hisoblangan 4 million so‘m penyani qayta hisob-kitob qilish orqali yo‘q qilib berishni va’da qilgan.
Izoh (0)