Hukumat qarori bilan bir qator davlat agentliklari rahbariyatida tayinlovlar amalga oshirildi. Bu haqda Telegram’dagi “Huquqiy axborot” kanali xabar qildi.
Qayd etilishicha, Shohruh Rahimov Investitsiyalar va tashqi savdo vazirligi huzuridagi Xalqaro hamkorlik va rivojlanish agentligi direktori etib tayinlangan. Ulug‘bek Kasimxo‘jayev vazirlik huzuridagi Xorijiy investitsiyalarni jalb etish agentligi direktori vazifasini bajaruvchi etib tayinlangan.
Shuningdek, Rustamxon Azizov Strategik rivojlanish agentligi bosh direktorining birinchi o‘rinbosari vazifasini bajaruvchi etib tayinlangan. Aziz Gafurov hamda Aleksey Sim agentlik bosh direktorining o‘rinbosarlari vazifasini bajaruvchi etib tayinlangan.
Izoh (0)