Xalq deputatlari Denov tumani kengashining 31-yanvardagi navbatdan tashqari sessiyasida Abdumalik Allamuradov Denov tumani hokimi etib tasdiqlandi. Bu haqda Surxondaryo viloyati hokimligi matbuot xizmati xabar berdi.
Tumanga 2020-yilning 5-noyabridan buyon rahbarlik qilib kelgan Rustam Pardayev boshqa ishga o‘tgani munosabati bilan vazifasidan ozod qilingan.
Abdumalik Allamuradov 1977-yil 17-aprelda Termiz tumanida tug‘ilgan. 1998-yilda Toshkent davlat universiteti, 2003-yilda Toshkent davlat yuridik institutini tamomlagan.
Mehnat faoliyati davomida prokuratura, Adliya, Ichki ishlar organlari tizimida turli lavozimlarda, 2019—2020-yillar Surxondaryo viloyatidagi Tadbirkorlar murojaatlarini ko‘rib chiqish qabulxonasi mudiri lavozimida faoliyat yuritgan.
Tayinlovga qadar 2020-yildan buyon bosh vazirning Tadbirkorlar murojaatlarini ko‘rib chiqish qabulxonalari faoliyatini tashkil etish va muvofiqlashtirish kotibiyatining mudiri lavozimida ishlab kelayotgandi.
Eslatib o‘tamiz, 31-yanvarda Navoiy viloyatining Nurota tumani, Toshkent viloyatining Angren shahriga ham yangi hokimlar tayinlandi.
Izoh (0)