Халқ депутатлари Денов тумани кенгашининг 31 январдаги навбатдан ташқари сессиясида Абдумалик Алламурадов Денов тумани ҳокими этиб тасдиқланди. Бу ҳақда Сурхондарё вилояти ҳокимлиги матбуот хизмати хабар берди.
Туманга 2020 йилнинг 5 ноябридан буён раҳбарлик қилиб келган Рустам Пардаев бошқа ишга ўтгани муносабати билан вазифасидан озод қилинган.
Абдумалик Алламурадов 1977 йил 17 апрелда Термиз туманида туғилган. 1998 йилда Тошкент давлат университети, 2003 йилда Тошкент давлат юридик институтини тамомлаган.
Меҳнат фаолияти давомида прокуратура, Адлия, Ички ишлар органлари тизимида турли лавозимларда, 2019—2020 йиллар Сурхондарё вилоятидаги Тадбиркорлар мурожаатларини кўриб чиқиш қабулхонаси мудири лавозимида фаолият юритган.
Тайинловга қадар 2020 йилдан буён бош вазирнинг Тадбиркорлар мурожаатларини кўриб чиқиш қабулхоналари фаолиятини ташкил этиш ва мувофиқлаштириш котибиятининг мудири лавозимида ишлаб келаётганди.
Эслатиб ўтамиз, 31 январда Навоий вилоятининг Нурота тумани, Тошкент вилоятининг Ангрен шаҳрига ҳам янги ҳокимлар тайинланди.
Изоҳ (0)