Xalq deputatlari Angren shahar kengashining navbatdan tashqari sessiyasida Toshkent viloyati hokimi vazifasini bajaruvchi Zoir Mirzayev ma’ruza qildi, deb xabar beradi viloyat hokimligi matbuot xizmati.
Sessiyada tashkiliy masala ko‘rilgan. Shu vaqtga qadar Angren shahar hokimi lavozimida ishlab kelgan Shukurulla Mahmudov Toshkent viloyati hokimiga qurilish masalalari bo‘yicha o‘rinbosar etib tayinlanishi munosabati bilan shahar hokimi lavozimidan ozod qilingan.
Angren shahar hokimi lavozimiga Nuriddin Abdurahimov nomzodi ko‘rsatilib, deputatlar tomonidan tasdiqlangan.
Ma’lumot uchun, Nuriddin Abdurahimov Piskent tumanida tug‘ilgan. Mutaxassisligi bo‘yicha moliyachi. Shu vaqtga qadar Prezident administratsiyasining mas’ul xodimi sifatida faoliyat yuritib kelgan.
Avvalroq Prezident administratsiyasi Mahalliy ijro hokimiyati organlari bilan ishlash sho‘basi bosh mutaxassisi vazifasida faoliyat yuritib kelgan Azamat Fayziyev Navoiy viloyatining Nurota tumani hokimi etib tayinlangani to‘g‘risida xabar berilgandi.
Izoh (0)