O‘zbekistonda 31-yanar kuni kuni ertalab kuzatilgan tuman bir qator aeroportlarda reyslar kechikishiga sabab bo‘ldi. Bu haqda Uzbekistan Airports matbuot xizmati xabar berdi.
Xususan, Farg‘ona aeroportidagi quyuq tuman tufayli — ko‘rish masofasi 50 metr atrofida bo‘lib, Ural Airlines aviakompaniyasining Moskvadan uchib kelgan SVR-8317 reysi aeroportga qo‘na olmagan va soat 07:32 da Namangandagi zaxira aerodromiga yo‘naltirilgan. 227 nafar yo‘lovchi Namangandan Farg‘onada yerusti transportida olib kelingan.
Shuningdek, ob-havo sharoitining noqulayligi sabab Uzbekistan Airways aviakompaniyasining Toshkent—Farg‘ona yo‘nalishi bo‘yicha uchishi kerak bo‘lgan reysi kechiktirilgan.
Bundan tashqari, quyuq tuman sabab Uzbekistan Airways’ning Buxoro—Toshkent yo‘nalishi bo‘yicha uchishi kerak bo‘lgan HY-024 reysi kechiktirilgan. Bortida 138 yo‘lovchisi bo‘lgan samolyot soat 09:20 da uchishi kerak bo‘lgan, biroq u o‘z parvozini soat 11:29 da amalga oshirgan. Ayni vaqtda aeroport shtat rejimida ishlamoqda.
Eslatib o‘tamiz, 25-yanvar kuni Nukus—Toshkent yo‘nalishi bo‘yicha HY16 reysi manzil aeroportida ko‘rish imkoniyati yomonligi sababli Navoiydagi muqobil aerodromga jo‘nab ketgandi.
Izoh (0)