Samarqand viloyati hokimi Erkinjon Turdimov kelgusi 5 yilda Samarqandda loy ko‘chalar qolmasligini bildirdi. Bu haqda “Daryo”ga viloyat hokimligi axborot xizmati ma’lum qildi.
Ma’lum qilinishicha, Samarqand viloyatida kamida 8 milliard dollar bo‘lgan 5,5 mingdan ortiq investitsion loyihalar amalga oshirilishi rejalashtirilgan. Bu orqali 250 mingdan oshiq real, doimiy ish o‘rinlari yaratilishi nazarda tutilmoqda. Bularning natijasida Samarqandda ishsizlik darajasi ikki barobar qisqaradi.
“Kelgusi 5 yilda Samarqandda 1,9 ming kilometr yo‘l shag‘allashtirilib, loy bo‘lgan yo‘l umuman qolmaydi. 8 ming kilometr yo‘llarga asfalt yotqiziladi. 270 ta ko‘priklarda qurilish, ta’mirlash rekonstruksiya ishlari amalga oshiriladi. 61 mingdan ortiq eski simyog‘ochlar to‘liq yangilanadi. 2,2 ming kilometrdan ortiq ichimlik suvi tarmoqlari tortiladi, rekonstruksiya qilinadi”, – deydi Turdimov.
Avvalroq Samarqand viloyati hokimi Erkinjon Turdimov xalq deputatlari Samarqand viloyat kengashining 50-sessiyasidagi murojaatida 2022-yil Samarqand viloyatida infratuzilmani yaxshilash uchun 274,4 milliard so‘m ajratilishini ma’lum qilgandi. Xususan, 59,9 milliard so‘mga 86 kilometr avtomobil yo‘llari, 148 kilometr yangi elektr tarmoqlari tortish uchun 49,7 milliard so‘m, 24,6 kilometr tabiiy gaz tarmoqlari tortish uchun 8,4 milliard so‘m, 284 kilometr suv va oqova suv tarmoqlari tortish uchun 157,3 milliard so‘m ajratiladi.
Mavzuga doir:
- “Maktabni yomon qilgan siz bilan bizmiz”. Erkinjon Turdimov Samarqanddagi maktablarning shakliga hokim va sektor rahbarlari javob berishini ma’lum qildi
- “Tibbiyot sohasini keng jamoatchilik nazoratisiz o‘zgartirib bo‘lmaydi” — Turdimov samarqandliklardan sohadagi kamchiliklar bo‘yicha murojaat yo‘llashni so‘radi
Izoh (0)