Самарқанд вилояти ҳокими Эркинжон Турдимов келгуси 5 йилда Самарқандда лой кўчалар қолмаслигини билдирди. Бу ҳақда «Дарё»га вилоят ҳокимлиги ахборот хизмати маълум қилди.
Маълум қилинишича, Самарқанд вилоятида камида 8 миллиард доллар бўлган 5,5 мингдан ортиқ инвестицион лойиҳалар амалга оширилиши режалаштирилган. Бу орқали 250 мингдан ошиқ реал, доимий иш ўринлари яратилиши назарда тутилмоқда. Буларнинг натижасида Самарқандда ишсизлик даражаси икки баробар қисқаради.
«Келгуси 5 йилда Самарқандда 1,9 минг километр йўл шағаллаштирилиб, лой бўлган йўл умуман қолмайди. 8 минг километр йўлларга асфальт ётқизилади. 270 та кўприкларда қурилиш, таъмирлаш реконструкция ишлари амалга оширилади. 61 мингдан ортиқ эски симёғочлар тўлиқ янгиланади. 2,2 минг километрдан ортиқ ичимлик суви тармоқлари тортилади, реконструкция қилинади», – дейди Турдимов.
Аввалроқ Самарқанд вилояти ҳокими Эркинжон Турдимов халқ депутатлари Самарқанд вилоят кенгашининг 50-сессиясидаги мурожаатида 2022 йил Самарқанд вилоятида инфратузилмани яхшилаш учун 274,4 миллиард сўм ажратилишини маълум қилганди. Хусусан, 59,9 миллиард сўмга 86 километр автомобиль йўллари, 148 километр янги электр тармоқлари тортиш учун 49,7 миллиард сўм, 24,6 километр табиий газ тармоқлари тортиш учун 8,4 миллиард сўм, 284 километр сув ва оқова сув тармоқлари тортиш учун 157,3 миллиард сўм ажратилади.
Мавзуга доир:
- «Мактабни ёмон қилган сиз билан бизмиз». Эркинжон Турдимов Самарқанддаги мактабларнинг шаклига ҳоким ва сектор раҳбарлари жавоб беришини маълум қилди
- «Тиббиёт соҳасини кенг жамоатчилик назоратисиз ўзгартириб бўлмайди» — Турдимов самарқандликлардан соҳадаги камчиликлар бўйича мурожаат йўллашни сўради
Изоҳ (0)