Uzbekistan Airways’ning kuchli qor sabab Istanbul aeroportida ikki sutkadan ortiq qolib ketgan Boeing 757-200 UK75701 samolyoti Toshkentga qaytdi. Bu haqda Telegram’dagi “Novosti Tashkentskogo neba” kanali xabar berdi.
FlightAware ma’lumotlariga ko‘ra, Toshkent—Istanbul yo‘nalishidagi HY-272 reysi 26-yanvar kuni soat 23:48 da Istanbul aeroportidan ko‘tarilib, 27-yanvar kuni soat 5:47 da Toshkentga qo‘ngan.
Eslatib o‘tamiz, Istanbul xalqaro aeroportida noqulay ob-havo sharoiti (kuchli qor, ko‘rishning yetarli darajada emasligi) tufayli 25-yanvar kuni soat 07:40 da Toshkentdan Istanbulga uchishi kerak bo‘lgan HY-271 reysi 13:00 ga, Istanbul—Toshkent yo‘nalishi bo‘yicha uchishi kerak bo‘lgan HY-072 reys esa Istanbul vaqti bilan soat 12:30 dan 17:50 ga ko‘chirilgandi.
26-yanvar kuni Istanbul xalqaro aeroporti faoliyati to‘liq to‘xtatilgani sababli HY-271/272 Toshkent—Istanbul—Toshkent hamda HY 277/278 Istanbul—Farg‘ona—Istanbul yo‘nalishi bo‘yicha reyslari bekor qilingandi.
Izoh (0)