Sog‘liqni saqlash vaziri o‘rinbosari lavozimidan ozod etilgan Abdulla Azizov 26-yanvar kuni “Olmaliq kon-metallurgiya kombinati” boshqaruvi raisining raqamlashtirish bo‘yicha o‘rinbosari etib tayinlandi. Bu haqda OKMK matbuot xizmati xabar berdi.
Abdulla Azizov 1981-yilda tug‘ilgan. 2003-yil Yaponiyaning Nagoya universitetida iqtisodiyot yo‘nalishini, 2004-yilda Jahon iqtisodiyoti va diplomatiya universitetining Xalqaro iqtisodiy munosabatlar fakultetini tamomlagan. 2006-yili Daniyaning Orxus universitetida moliya va xalqaro biznes yo‘nalishi bo‘yicha magistr darajasini olgan. 2006-yilda Orxus texnika kollejini IT-dasturchi mutaxassisligi bo‘yicha tamomlab, ushbu yo‘nalishda mehnat faoliyatini boshlagan.
U 2006—2019-yillarda Daniyaning “Maersk A/S”, “DONG Energy A/S”, “Carlsberg A/S”, “Implement consulting group”, “Vestas A/S” hamda “Danfoss” kompaniyasida moliyaviy biznes loyihalarini avtomatlashtirish sohasida yuqori standartlarni joriy qilish boshqarmasi boshlig‘i lavozimida ishlab kelgan.
2019-yil sentabr oyidan 2020-yil iyul oyiga qadar Davlat soliq qo‘mitasi raisi o‘rinbosari lavozimida faoliyat yuritgan. Tayinlovga qadar 2020-yilning iyulidan buyon sog‘liqni saqlash vaziri o‘rinbosari lavozimida ishlab kelayotgandi.
Izoh (0)