25-yanvar kuni Toshkent viloyati Qibray tumanida yashovchi Toirovlar oilasida to‘rt egizak dunyoga keldi, deb xabar beradi tuman hokimligi matbuot xizmati.
Ma’lum qilinishicha, tumanning “Birlik” mahallasida yashovchi Toirovlar oilasida 2 o‘g‘il va 2 qiz farzand dunyoga kelgan. Qibray tuman hokimligi egizaklarning ota-onasini quvonchli kun bilan tabriklagan.
Egizaklarning otasi Javohir Toirovning so‘zlariga ko‘ra, hozirda farzandlarining ahvoli qoniqarli darajada.
Eslatib o‘tamiz, O‘zbekistonda 2021-yilning yanvar—noyabr oylarida 16 ming 822 nafar egizak chaqaloq tug‘ilgan. 2021-yil 1-dekabr holatiga ko‘ra, O‘zbekistonda 832,4 ming tug‘ilish qayd etilgan. Noyabr oyining o‘zida esa respublikada jami 79 213 ta chaqaloq tug‘ilgan. Davlat statistika qo‘mitasi ma’lumotlariga ko‘ra, O‘zbekistonda 10 yil davomida uch nafar egizaklar tug‘ilishi 4 baravarga ko‘paydi. 2021-yilning birinchi yarmida egizaklar soni bo‘yicha Samarqand viloyati yetakchi bo‘lgan.
Izoh (0)