Соғлиқни сақлаш вазири ўринбосари лавозимидан озод этилган Абдулла Азизов 26 январь куни «Олмалиқ кон-металлургия комбинати» бошқаруви раисининг рақамлаштириш бўйича ўринбосари этиб тайинланди. Бу ҳақда ОКМК матбуот хизмати хабар берди.
Абдулла Азизов 1981 йилда туғилган. 2003 йил Япониянинг Нагоя университетида иқтисодиёт йўналишини, 2004 йилда Жаҳон иқтисодиёти ва дипломатия университетининг Халқаро иқтисодий муносабатлар факультетини тамомлаган. 2006 йили Даниянинг Орхус университетида молия ва халқаро бизнес йўналиши бўйича магистр даражасини олган. 2006 йилда Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.
У 2006—2019 йилларда Даниянинг «Maersk A/S», «DONG Energy A/S», «Carlsberg A/S», «Implement consulting group», «Vestas A/S» ҳамда «Danfoss» компаниясида молиявий бизнес лойиҳаларини автоматлаштириш соҳасида юқори стандартларни жорий қилиш бошқармаси бошлиғи лавозимида ишлаб келган.
2019 йил сентябрь ойидан 2020 йил июль ойига қадар Давлат солиқ қўмитаси раиси ўринбосари лавозимида фаолият юритган. Тайинловга қадар 2020 йилнинг июлидан буён соғлиқни сақлаш вазири ўринбосари лавозимида ишлаб келаётганди.
Изоҳ (0)