Saudiya Arabistonining “An-Nassr” jamoasi “Arsenal” hujumchisi Pyer-Emerik Obameyangga qiziqish bildirmoqda.
Goal nashrining xabar berishicha, Ar-Riyod klubi londonliklarga futbolchini 6,7 million funtga sotib olish majburiyati bilan ijaraga olish taklifini bildirgan. “Arsenal” hozircha ushbu taklifga javob bergani yo‘q. “Kanonirlar” Obameyangni qishki transferlar oynasida sotib yuborish variantlarini muhokama qilmoqda.
Gabonlik futbolchi “Arsenal”ning ichki tartib qoidalarini muntazam ravishda buzgani uchun 2021-yil dekabr oyida sardorlik bog‘ichidan mahrum bo‘lgandi.
2021/22-yilgi mavsumda Obameyang APL doirasida 14 ta o‘yinda maydonga tushib, 4 ta gol va bitta golli uzatmani o‘z hisobiga yozdirib qo‘ygan.
Eslatib o‘tamiz, “An-Nassr”da Jaloliddin Masharipov to‘p suradi. O‘zbekistonlik futbolchi 2021-yildan buyon Saudiya jamoasi sharafini himoya qilib kelmoqda.
Izoh (0)