“Manchester Yunayted” klubi va Portugaliya terma jamoasi hujumchisi Krishtianu Ronaldu FIFAning maxsus sovrini topshirilganidan so‘ng Instagram sahifasida o‘z fikrlarini bildirdi.
FIFAning maxsus sovrinini qo‘lga kiritish — juda katta sharaf va faxrdir. Nufuzli tashkilot meni FIFA tasnifidagi musobaqalar tarixidagi eng yaxshi to‘purar sifatida e’tirof etgani men uchun mamlakatim sharafini himoya qilish yo‘lidagi eng muhim individual yutuqdir.Shveysariyaning Syurix shahrida 17-yanvar, dushanba kuni The Best sovrinlarini topshirish marosimida Krishtianu Ronalduga FIFAning maxsus sovrini topshirildi.Endi bu sovrinni ushbu mavsumda “Manchester Yunayted” safida yutuqlarni qo‘lga kiritish, mart oyida bo‘lib o‘tadigan o‘tish o‘yinlarida Portugaliya Jahon Chempionatiga chiqishiga yordam berish uchun qo‘shimcha yoqilg‘i va motivatsiyaga aylantirishim lozim, bu ajoyib hikoyani barchamiz birgalikda yozishda davom etamiz.
Nihoyat, so‘nggi yigirma yil davomida Portugaliya safida men bilan birga o‘ynagan va dunyoning turli burchaklarida duch kelgan boshqa terma jamoa futbolchilarini alohida ta’kidlab o‘tmoqchiman. Sizning iste’dodingiz, sizning professionalligingiz va mahoratingiz mening eng yaxshi futbolchi bo‘lishimga yordam berdi. Rahmat!
Krishtianu Ronaldu, “Manchester Yunayted” hujumchisi
Sentabr oyida Ronaldu Portugaliya termasidagi gollari sonini 111 taga yetkazgan holda Ali Dayining (109) afsonaviy rekordini ortda qoldirib, terma jamoalar tarixidagi eng yaxshi to‘purarga aylangandi.
Izoh (0)