«Манчестер Юнайтед» клуби ва Португалия терма жамоаси ҳужумчиси Криштиану Роналду ФИФАнинг махсус соврини топширилганидан сўнг Instagram саҳифасида ўз фикрларини билдирди.
ФИФАнинг махсус совринини қўлга киритиш — жуда катта шараф ва фахрдир. Нуфузли ташкилот мени ФИФА таснифидаги мусобақалар тарихидаги энг яхши тўпурар сифатида эътироф этгани мен учун мамлакатим шарафини ҳимоя қилиш йўлидаги энг муҳим индивидуал ютуқдир.Швейцариянинг Цюрих шаҳрида 17 январь, душанба куни The Best совринларини топшириш маросимида Криштиану Роналдуга ФИФАнинг махсус соврини топширилди.Энди бу совринни ушбу мавсумда «Манчестер Юнайтед» сафида ютуқларни қўлга киритиш, март ойида бўлиб ўтадиган ўтиш ўйинларида Португалия Жаҳон Чемпионатига чиқишига ёрдам бериш учун қўшимча ёқилғи ва мотивацияга айлантиришим лозим, бу ажойиб ҳикояни барчамиз биргаликда ёзишда давом этамиз.
Ниҳоят, сўнгги йигирма йил давомида Португалия сафида мен билан бирга ўйнаган ва дунёнинг турли бурчакларида дуч келган бошқа терма жамоа футболчиларини алоҳида таъкидлаб ўтмоқчиман. Сизнинг истеъдодингиз, сизнинг профессионаллигингиз ва маҳоратингиз менинг энг яхши футболчи бўлишимга ёрдам берди. Раҳмат!
Криштиану Роналду, «Манчестер Юнайтед» ҳужумчиси
Сентябрь ойида Роналду Португалия термасидаги голлари сонини 111 тага етказган ҳолда Али Дайининг (109) афсонавий рекордини ортда қолдириб, терма жамоалар тарихидаги энг яхши тўпурарга айланганди.
Изоҳ (0)