Футбол бўйича Италия чемпионатининг 22-туридан ўрин олган бир қатор учрашувлар 17 январь, душанба куни бўлиб ўтди.
«Милан» ўз уйида «Специя»ни меҳмон қилди. Биринчи бўлим сўнгида Рафаэл Леау миланликларни ҳисобда олдинга олиб чиққан бўлса, 64-дақиқада Кевин Агудело мувозанатни тиклади. 90+6-дақиқида эса Эммануэль Гяси «Специя»га ғалаба келтирган голга муаллифлик қилди.
Шу тариқа Стефано Пиоли шогирдлари ўз майдонида кечган баҳсда аламли мағлубиятни қабул қилиб олди.
Миланликлар ушбу мағлубиятдан сўнг 48 очко билан иккинчи ўринда қолди. Жамоа биринчи ўринга кўтарилиш имконини қўлдан чиқарди. «Специя» эса очколари сонини 22 тага етказиб, ўн тўртинчи ўринга кўтарилиб олди.
«Наполи» сафарда Ирвинг Лосанонинг дубли эвазига «Болонья» устидан ғалаба қозонди. Неаполликлар 46 очко жамғариб, учинчи ўринда бормоқда, «Болонья» 27 очко билан ўн учинчи поғонадан жой олган.
А Серия
22-тур баҳслари
17 январь, душанба
«Милан» — «Специя» 1:2
Голлар: 1:0 – 45 Рафаэл Леау, 1:1 – 64 Агудело, 1:2 — 90+6 Эммануэль Гяси.«Милан»: Меньян, Флоренци (Калабрия, 70), Габбия, Калулу, Эрнандес, Бакаёко, Крунич, Салемакерс (Жуниор Мессиас, 57), Ибраҳимович, Рафаэл Леау (Ребич, 84), Браим Диас (Жиру, 70).
«Специя»: Проведел, Амян, Николау, Эрлич, Бастони, Кивер, Реса (Феррер, 77), Мажоре (Коваленко, 80), Гяси, Манай (Агудело, 58), Верде.
Огоҳлантиришлар: Гяси (19), Калулу (22), Кивер (32), Проведел (45), Габбия (62), Мажоре (65), Бастони (90+3).
«Болонья» — «Наполи» 0:2
Голлар: 0:1 – 20 Лосано, 0:2 – 47 Лосано.«Болонья»: Скорупски, де Сильвестри, Сумаоро, Бинкс, Теате, Ҳики (Пююхтя, 72), Виола (Домингес, 52), Сориано (Винято, 67), Сванберг, Арнаутович (Фалчинелли, 52), Сансоне (Ольсен, 52).
«Наполи»: Мерет, ди Лоренцо, Жезус, Рраҳмани, Мариу Руй, Лоботка, Зелиньски (Демме, 80), Фабиан Руис (Гулям, 86), Элмаз (Петанья, 86), Мертенс (Осимҳен, 71), Лосано (Политано, 71).
Огоҳлантиришлар: Сумаоро (43), Зелиньски (51), Теате (57), Бинкс (90+4)
Изоҳ (0)